黄家强脚踏实地做音乐
 |
| ■黄家强 |
说得对，唱片不是没有市场，但乐迷有没有购买欲又是另一回事，今时今日唱片销量真是大不如前，记得当年Beyond最好卖的一张碟有几多？「五白金！」在今时今日来说简直是天文数字。
休息两年，阿Paul 、世荣早就各有各出碟，家强迟迟未有动静，重好似唔忧做；对於「唔使忧」呢三个字，家强亦有些不开心，休息的日子，第一年去旅行，重整自己，第二年已开始作歌，只不过全都是没有市场的作品，他说：「唔做?边有钱使？（老老实实你系咪唔忧生活先？）（哈哈大笑）咪信??报道罗，讲到我好掂，有好多层楼，只不过系楼换楼。（咁即系有几多层呀？）两层，重有一层要供！（家驹意外之後，唔系赔?咩？）所有赔偿系畀父母，乐队冇赔过一文钱，但我都冇所谓，心谂要争气，乜都冇话唔掂?！（但?段日子系咪好辛苦？）系，撑得好辛苦，因为有好多比较，结果系比下去。」
学习重新起步
记得当时早就有人批Beyond三子散梗！最後过了六、七年就真系应验各自各发展。「要分开系?四个人?时候就估到，因为当大家掌握到将来要行乜?路，就系要分开?时候！」当年Beyond三子，阿Paul、世荣都比家强独立，家强如何面对未来的路，曾令人担心。
过去家强一直专注创作音乐，好少管理事务，甚至应付人际关系都不算好叻，现在可算是被迫大个仔！家强说：「以前只系做好自己?，依家就唔同，单系讲工作，又要同Engineer倾，又搵人帮手做音乐，因为自己做监制，要弹Bass又要唱。（乜你唔系有好多Band友，搵人帮手唔难?！）唉！我都以为系，但竟然有人托手?，重计得好清楚，或者佢以为我有（钱）?！都唔知我要辛苦悭住使。」
好作品有知音
家强也感受到市场不景气所带来的忧虑，但他对自己的音乐是绝对绝对的有信心，最近新歌《惊恐症》，电台播得好好，不过今次他重踏乐坛，明白唱片公司有为难处，早有足够心理准备，不去奢望会有如何庞大的宣传攻势，如何隆重的排场，他深信只要肯努力，好的作品一定会有知音人的！
曾有志开鸡店
明年是Beyond廿周年，家驹离开人世亦有九年，家强应该完全复原，但原来家强在失去至亲哥哥那些日子，内心好难受，他说：「最初几年我催自己成长，那个时候唔到你去拣，反而到了最後Beyond三子要分开，那时候感觉就好乱，老实讲系阵脚乱！」
唔唱歌可做厨师
「当时感觉好似变番个细路仔，跌低??感觉，有点无助，即系好似毕业之後，其他同学各奔前程，大家去搵学校搵工，而自己唔系九科A，冇人会争住要你，於是就唯有自修先，以前有人迫你交功课，自修之後就自己搵功课做，等人要你！（依家你有学校收啦？）可以出到唱片，真系开心?！」如果再搵唔到好学校又有咩打算，转行？唔玩音乐？家强好坚定的说：「我点都唔会放弃我最锺意?音乐！」不过他除音乐外，最想做是当厨师！
「我真系谂过做生意，而且自创?好多食物，不过我计划开?食店系独沽一味，鸡。（！开鸡店？点解只有鸡？）因为依家好多人唔食牛，食猪又怕肥，而且猪?感觉冇咁高贵！（几时开呀？）依家谂。」
爱音乐多於一切
家强经常想，如果搞成生意有钱赚，到时就可以做自己喜欢的音乐，去年开始想去做生意的时候，就放纵地作一些根本没有理会市场需要的音乐；直至过?几个月觉得目前搞生意只不过是发白日梦而已，於是便重新创作另一批歌，面对现实！
「唉！搞艺术都话可以有脾气，搞生意要好圆滑，暂时唔我！」家强都有自知之明的说。他性格过於感情用事，做生意不可能自己一个人话晒事，他容易信人，就好易俾人呃，算罢啦！反正他爱音乐多於煮食。
霆锋不懂对与错
口口声声说Beyond是偶像的谢霆锋，经历人生一劫，正式入罪，家强点睇？「记得初初见霆锋?时候，佢只不过十七、八岁，上来二楼後座，当时我同佢讲笑，佢重面红成个细路仔！（你讲咩咁好笑？）讲咸湿?啦，唔系又点会面红。」家强笑吟吟的。
不过，霆锋经常讲音乐理想，就学足当年Beyond愤世、反叛，但家强认为年轻人个个都反叛，但反叛得来都要识分对与错，身为别人的偶像就要理智，唔可以咁冲动。
今日的家强，比前几年更成熟，更懂得为身边人想，理会别人的感受！
这样就叫妥协吗？或者有人会认为是，但对於这个转变，他看得通。就好像前一个星期他上《劲歌金曲》，竟然是唱MMO（即是有音乐底唱Live，换转是以前，他还要坚持要现场打Band呢！）他笑言：「咁?情况都要马死落地行，我适应力强?，总之做好本分，天有眼嘛！」
後记
我们带家强上网吧，去感受新一代所过的生活，未入门口已听到好嘈吵的打机声，坐满十几岁学生哥在埋头打机！家强虽是机迷，但多数留在家中玩，看大部分学生哥都住校服打机，如果打机是没有声音，还以为入了图书馆呢！
坐在家强身边打机的四眼「弟弟」 ，问他几多岁，他说：「十一岁！（阿妈知唔知你放学就来打机？）阿妈畀?！（真系吹佢唔胀！）」
做呢篇访问，家强谈到Beyond三子，说如何羡慕阿Paul有朱茵、世荣也找到另一半，然而他与拍拖九个月的女朋友分手，但想不到国庆当日，世荣女友却意外在浴缸溺毙，令人感到无限唏嘘 ，家强作为世荣的摰友，亦十分难过、不安，在此希望世荣可以坚强面对一切 ，亦但愿Cynthia（世荣女友）得到安息！
采访：余欣倩 摄影：容子堂